Боловсролын нэгдсэн сан MEDLE.MN платформ дээр Математикийн хичээлээр 6-12 дугаар ангийн сурагчдад зориулан  боловсруулагдсан 864 контентыг байршуулсан байна.
Танхимд явагддаг 40 минутын  хичээлийг сурагч бие даан судлах 15-25 минут үргэлжлэх  4 хэсэг  болон тавигджээ.
Эхлэл хэсэгт хичээлийн товч танилцуулга зорилго, зорилт, хичээлтэй холбоотой түлхүүр үг, хэрэглэгдэхүүн, хүрэх үр дүнг тусгасан.
Үндсэн хэсэгт агуулга буюу видео бичлэг, текст (нэр, томьёо, чанар, тодорхойлолт, санамж, дүгнэлт), жишиг даалгавар, бие даан ажиллах дадлага ажил, интерактив даалгавар оруулсан.
Бататгал хэсэгт хичээлийн зорилго, зорилтын хүрээнд, танин мэдэхүйн 2 – 3 түвшинг хамарсан 4 – 6 даалгавар оруулсан. Даалгавар нь ихэвчлэн сонгох хариулттай, холбох, нөхөх, зөв дараалалд оруулах болон задгай даалгавар гэсэн хэлбэрүүдтэй.
Нэмэлт хэсэгт ашигласан материал, эх сурвалж, холбоос, нэмэлт даалгавар, ажлын хуудас болон үндсэн хэсгийн Дадлага ажлын бодолт, хариу, Бататгал хэсгийн задгай даалгаврын хариултууд орсон. Жишээ болгон зарим нэг хичээлийн холбоосыг орууллаа.

VI анги. Харилцан анхны тоонууд (ХИЕХ ашиглан асуудал шийдвэрлэх)
https://medle.mn/…/lessons/100001113471023/200002440535165
VII анги. Трапецын талбай
https://medle.mn/…/lessons/100001113472090/100003331205134
VIII анги. Нийлмэл нэгж, хурдны нэгж шилжүүлэх
https://medle.mn/…/lessons/100001113473317/100003684829853
IX анги. Тэгш хэмийн хувиргалтыг координатаар илэрхийлэх
https://medle.mn/…/lessons/100001113474511/100003629421811
X анги. Цэгийн хувь дахь тэгш хэм, хувиргалтын матриц
https://medle.mn/…/lessons/100001113475871/100002733263248
XI анги. Огторгуй дахь вектор
https://medle.mn/…/lessons/100001113478018/100003854895748
XII анги. Рационал илэрхийллийг алгебрын бутархайнуудын нийлбэр хэлбэрт задлах 1 (Тодорхой бус коэффициентийн арга)
https://medle.mn/…/lessons/100001113480438/100003037194244