Энэтхэг улсын сансрын агентлаг Даваа гарагт Шрихарикота нэртэй хар нүх зэрэг сансар огторгуйн биет судлах зорилготой пуужинг амжилттай хөөргөснөө зарлалаа. Хар нүх судлахаар урьд нь 2021 онд АНУ-ын сансар судлалын НАСА агентлаг л хөлөг хөөргөж байсан юм. Энэтхэгийн Шрихарикота нь хар нүх судлахаар хөөрсөн дэлхийн хоёр дахь хөлөг болж байна. Хар нүх нь сансрын уудам дахь аливаа од бөхөх үед их дэлбэрэлтээс нь үүссэн асар их татах хүчтэй харанхуй биет гэж сансар судлаачид тодорхойлдог. Татах хүч нь бусад ямар ч одтой харьцуулахын аргагүй их байдаг тул гэрэл ч хар нүхнээс зугтах боломжгүй гэж томьёолдог. Энэтхэг улс энэ хөлгийнхөө тусламжтай хүн төрөлхтний хар нүхний талаарх ойлголтыг улам нэмэгдүүлэхийг эрмэлзэж байна гэж илэрхийлсэн байна.