Тэтгэвэрийн 20 хувь өвлөгдөх хууль энэ оны нэгдүгээр сараас хэрэгжиж эхлэхээр болсон. Үүнтэй холбоотойгоор Нийгмийн даатгалын Ерөнхий газрын Бодлогын хэрэгжилт, судалгааны газрын дарга Ц.Ганцэцэг мэдээлэл өглөө. Тэрбээр “Тэтгэвэр авдаг гэр бүлийн хүмүүсийн нэг нь нас барсан тохиолдолд тэтгэвэр авагчийнх нь тэтгэврийг 20 хувиар нэмэхээр болсон. Залуучуудын хувьд тэтгэврийн даатгал төлсөн шимтгэлийнх нь хоёр хувьд ногдох эсэхийг 2030 он хүртэл өвлүүлэх хуулийн зохицуулалт хамаарна. Тэтгэвэр авдаг гэр бүлийн хоёр хүн хоёулаа нийгмийн даатгалын сангаас өндөр настны тэтгэвэр авдаг байх ёстой. Хамтын амьдрал нь 20 ба түүнээс дээш жил байх ёстой. Гэр бүлийн тухай хуульд заасны дагуу бүртгүүлсэн байх шаардлагатай. Хууль хэрэгжиж эхэлсэн цагаас өмнө нь 20 жил хамт амьдарсан, хоёулаа нийгмийн даатгалын сангаас тэтгэвэр авч байсан бол хуулийн өөрчлөлтөд хамрагдана гэсэн үг” гэв.