Жолооч нар 15 хоногийн дотор торгуулиа төлөхгүй бол 50 хувиар нэмэгдүүлнэ 11 сар 2024 оны нэгдүгээр сарын 1-нээс эхлэн жолооч нарын хариуцлагыг нэмэгдүүлэх зорилгоор холбогдох хуулийн заалтууд хүчин төгөлдөр мөрдөгдөх тухай Хууль зүй, дотоод хэргийн сайдын зөвлөх Д.Мөнх-Эрдэнэ мэдэгдсэн. Тодруулбал, “Замын хөдөлгөөний дүрэм зөрчдөг, торгуулиа төлдөггүй иргэдэд хүлээлгэх хариуцлагыг чангатгах заалтууд Зөрчлийн хуульд орсон. 2024 оны нэгдүгээр сарын 1-нээс хэрэгжиж эхэлнэ. Торгуулиа хуульд заасан 15 хоногийн дотор төлөөгүй бол торгуулийн хэмжээг 50 хүртэл хувиар нэмнэ. Тэгээд ч төлөхгүй бол хөдөлгөөнд орох эрхийг хязгаарлах, нийтэд тустай ажил хийлгэх замаар заавал хариуцлага тооцож, төлүүлнэ. Замын хөдөлгөөний дүрэм зөрчсөн 50-аас дээш удаагийн үйлдэлтэй 3,000 гаруй жолоочийн төлөөгүй торгуулийн хэмжээ 4 тэрбум төгрөгт хүрсэн. Торгуулиа төлөөгүй бол тээврийн хэрэгслийн эзэмшигчийг солих боломжгүй болсон. Харин 15 хоногийн хугацаандаа торгуулиа төлбөл 50 хувь хөнгөрүүлэхээр заасан байгаа” гэсэн юм. Хуваалцах Жиргээ Уншигдсан 56
