Пүрэв гаргаас эхлэн “Apple” компани АНУ-д зарим ухаалаг цагаа худалдахгүй болжээ. Энэ нь тус компанийг оюуны өмчийн зөрчил гаргасан хэмээн үзсэнтэй холбоотой аж.

Тодруулбал “Apple” шинэ цагнууддаа цусан дахь хүчилтөрөгчийг хэмжих горим суулгасан. Харин энэ оны аравдугаар сард “Masimo” компани тус горимыг өөрсдийнх нь технологиос хуулбарласан хэмээн гомдол гаргаж, Дэлхийн худалдааны байгууллага ч санал нэгдсэн байна.

“Apple” компани дээрх компанийн технологийг хуулбарлаагүй гэдгээ мэдэгдэж, хариу гомдол гаргаад байгаа гэнэ.

АНУ-ын Цагаан ордноос хэргийг 60 хоногийн дотор хэлэлцэн шийдвэрлэх ёстой байдаг бөгөөд энэ хугацаа нь энэ сарын 25-наар дуусгавар болж байгаа юм.

Хэдийгээр Цагаан ордноос шийдвэр гаргах хүртэл “Apple” компани цагнуудаа худалдах боломжтой байсан ч тус компани борлуулалтаа зогсоохоор шийдвэрлэжээ.

“Apple” компанийн ухаалаг цагууд нэг жилийн хугацаанд 40 тэрбум ам.долларын ашиг олсон нь тус компанийн нийт худалдааны 10 орчим хувийг эзэлсэн байна.