Нийтийн эзэмшлийн гудамж талбай, авто замуудад үүссэн халтиргаа гулгааг арилгах чиглэлээр Нийслэлийн удирдлагуудаас өгсөн үүрэг даалгаврыг хэрэгжүүлэх ажлын хүрээнд дүүргүүдийн хэмжээнд цас, мөсний цэвэрлэгээг энэ сарын 5-ны өдрийн 15 цагийн байдлаар зам цэвэрлэгээний 8 байгууллага уртасгасан цагаар буюу үүрийн 04:00 цагаас эхлэн цэвэрлэж байна.

Тус ажлыг тусгай зориулалтын давс, бодис цацагч 8 төхөөрөмж, тусгай зориулалтын машин 4, автогрейдер 3, тусгай зориулалтын хусагч төхөөрөмж ковш 4, юниверсаль трактор 1, шүүрний машин 1 нийт 21 техник хэрэгсэлтэйгээр 189 зам талбайн үйлчлэгч, 20 бусад ажилтан, нийт 209 хүний бүрэлдэхүүнтэйгээр ажиллаж 61 тн давс, 43 тн бодис, 25 тн дайрга зарцуулаад байна.
 

Алтан овоо, Буяны зам машинууд, Аргүнтийн даваа цасанд боогдсон байсан бол тус замыг цэвэрлэж  хөдөлгөөнийг хэвийн болгосон бөгөөд Гүнт чиглэлийн замын хөдөлгөөнийг нээгээд байна.

Хоринхоёрын товчоо, эмээлт чиглэлийн авто зам их хэмжээний цас хунгарласан тул халтиргаа гулгаа үүссэн байдалтай байна. Тус авто замыг 17:00 цаг гэхэд хэвийн болгохоор ажиллаж байна.