Өнөөдөр буюу/ 202.11.03 /Эдийн засаг хөгжлийн яам, НҮБ-ын суурин зохицуулагчийн газартай хамтран  “Тогтвортой хөгжлийн зорилгын хурдасгуурын замын зураглал” уулзалт хэлэлцүүлгийг Блю-Скай зочид буудлын хурлын танхимд зохион байгууллаа.

Хэлэлцүүлэгт төр, хувийн хэвшил, эрдэмтэн судлаачид, иргэний нийгмийн байгууллагын төлөөлөл болох  нийт 120 гаруй хүн оролцон, Тогтвортой хөгжлийн зорилгын хэрэгжилтийн 12 хурдасгуур, салбарын хүрээнд тулгамдаж буй асуудал, шийдлийг хэлэлцэн, шаардлагатай санал зөвлөмжийг нэгтгэн боловсрууллаа.

Уулзалтын үеэр эдийн засаг хөгжлийн дэд сайд Г.Түвдэндорж хэлсэн үгэндээ 2020 онд 4.6 хувиар агшаад байсан эдийн засаг сүүлийн 5 улирал дараалан өсөж, энэ оны 2 дугаар улирлын байдлаар 6.4 хувийн өсөлттэй гарсан. Цаашид бид Тогтвортой хөгжлийн  зорилгын хэрэгжилтэд ахиц дэвшил гаргахад бүх талын оролцоог хангах байнгын тогтолцоог бүрдүүлэх, нэгдмэл ойлголттой болгох, улам бүр нягт хамтран ажиллах шаардлагатай” гэв.

Тогтвортой хөгжлийн  зорилгын хэрэгжилтэд ахиц дэвшил гаргахад бүх талын оролцоог хангах байнгын тогтолцоог бүрдүүлэх, нэгдмэл ойлголттой болгох, улам бүр нягт хамтран ажиллах  нь энэ хэлэлцүүлгийн гол ач холбогдол юм.