Сүхбаатар дүүргийн 13 дугаар хорооны нутаг дэвсгэрт 2021 оны наймдугаар сард эмнэлэгийн барилгын ажлыг эхлүүлж байсан бол барилгын гүйцэтгэл өнөөдөр 90 орчим хувьтай, ирэх оны II улиралд ашиглалтад оруулахаар төлөвлөжээ. 

Тус эмнэлэг нь  үндсэн 7 мэргэжлээр эрүүл мэндийн тусламж үйлчилгээг үзүүлэх бөгөөд хэвтэн эмчлүүлэх 200 ортой байх юм байна. А, Б гэсэн  хоёр блокоос бүрдсэн 5 давхар бөгөөд давхар бүр нь 3000 ам дөрвөлжин метр нийтдээ 12000 ам дөрвөлжин метр талбайтай, гаднаа 100 машины авто зогсоол, гэрэлтүүлэг, камержуулалт, гадна талбайн тохижилтын ажлууд хийгдэх юм. 

Дүүргийн төсвийн хөрөнгөөр барьж буй уг эмнэлэгт нэн шаардлагатай дэлхийн жишигт нийцсэн MPI аппарат зэрэг нийт 149 нэр төрлийн 652 ширхэг тоног төхөөрөмжийг худалдан авчээ. Үлдсэн тоног төхөөрөмжийн санхүүжилтыг 2024 оны дүүргийн төсөвт суулгуулахаар ажиллаж байна.