Засгийн газрын ээлжит хуралдаан өнөөдөр (2023.11.01)-д болж нийт 25 асуудлыг хэлэлцэн, хуралдаанаас гаргасан шийдвэрийг ЗГХЭГ-ын дарга Д.Амарбаясгалан танилцуулж байна. 

Тэрбээр,"Гадаад валютын мөнгөн урсгалыг нэмэгдүүлэхтэй холбогдуулан уул уурхайн бүтээгдэхүүний экспортын орлогыг нэмэгдүүлэх, "Эрдэнэс таван толгой" ХХК-ийн үйл ажиллагааг сайжруулах, борлуулалтын орлогыг нэмэгдүүлэх чиглэлд анхаарах зорилгоор бүрэн эрхт төлөөлөгч томилон, зургаан сарын хугацаатай ажиллуулсан. Энэхүү бүрэн эрхт төлөөлөгчийн ажлын үр дүнг УИХ-д танилцуулсанаар УИХ-аас дахин зургаан сарын хугацаатай ажиллуулах тогтоол гарсан. Улмаар аравдугаар сарын 26-ны өдөр бүрэн эрхийн хугацаа дуусч өнөөдрийн Засгийн газрын хуралдаанаар бүрэн эрхт төлөөлөгчийн ажилласан байдлын  танилцуулгыг хийлээ. Ийнхүү 11 дүгээр сарын 26-ны өдөр хуулийн дагуу бүрэн эрхт төлөөлөгчийг дахин томилж ажиллуулах нь зөв гэдэг шийдвэрийг Засгийн газрын хуралдаанаар ярилцаж шийдвэрлэлээ. Дахин томилогдох хүртэлх хугацаанд бүрэн эрхт төлөөлөгчийн санал болгосны дагуу дотоод хяналт шалгалт, аудитын газрын даргыг түр орлон гүйцэтгэгч үйл ажиллагааг нь удирдан зохион байгуулна" гэлээ.