Гэмтэл согог судлалын үндэсний төвөөс 2023-2025 онд төгсөлтийн дараах эмнэлзүйн үндсэн болон төрөлжсөн мэргэшлийн чиглэлээр суралцах элсэгчдэд зориулсан чиглүүлэх сургалтыг энэ сарын 2-6-нд зохион байгууллаа.

Энэ хүрээнд төвийн захирал Э.Галбадрах түлэгдэлтийн үеийн тусламж үйлчилгээний чиглэлээр лекц тавьж, гэмтэл согог судлалын салбарт мөр зэрэгцэн ажиллах резидент эмч, төрөлжсөн нарийн мэргэжил эзэмшихээр шамдаж буй эмч нарт сурлагын өндөр амжилт хүслээ.

Түүнчлэн тус сургалтаар байгууллагын түүхэн хөгжил, алсын хараа, эрхэм зорилго, үнэт зүйлс, эмнэлгийн мэргэжилтний ёс зүй, хөдөлмөрийн дотоод журам, цалин хөлс, шагнал урамшуулал, эмнэлгийн тусламж үйлчилгээний чанар, хөдөлмөрийн аюулгүй байдал, эрүүл ахуй, халдвар хамгаалал зэрэг зайлшгүй шаардлагатай мэдээллийн талаар тасаг, албадын эмч, мэргэжилтнүүд сургалт хийсэн юм.

Гэмтэл согог судлалын үндсэн мэргэшлийн сургалтанд 36, төрөлжсөн мэргэшлийн таван чиглэлд 17 эмч, мэргэжилтэн хамрагдаж байна.