• Долоон жилийн турш тусдаа амьдарч байна
• Энэ хугацаанд олон нийтэд зарлахад бэлэн биш байсан гэв
• Тэд 1997 онд хуримаа хийж байсан

АНУ-ын жүжигчин Уилл Смитийн гэргий Жада Пинкетт Смит 2016 оноос хойш нөхрөөсөө тусдаа амьдарч байгаа гэдгээ зарлалаа. Долоон жилийн хугацаанд тусдаа байсан ч олон нийтэд зарлахад бэлэн биш байсан гэв.

Мөн салалтаа бүртгүүлэх төлөвлөгөөгүй байгаа гэдгээ тэрбээр дурджээ.

2022 онд Оскарын шагнал гардуулах ёслолын үеэр комедиан Крис Рок Жада Пинкеттийн үсний талаар хошигносон. Үүний дараа жүжигчин Уилл Смит тайзан дээр гарч, түүнийг алгадсан нь томоохон дуулиан дэгдээсэн.

Энэ талаар Пинкетт “Би үүнийг зохиол гэж бодож байсан ч тийм байгаагүй” хэмээн ярьж байв. 

Уилл болон Пинкетт нар 1994 онд “The Fresh Prince of Bel-Air” шоуны шалгаруулалт дээр танилцаж, 1997 онд хуримаа хийж байсан юм. Тэд дундаасаа Жейден болон Уиллоу Смит хэмээх хоёр хүүхэдтэй.