Засгийн газрын хуралдаанаас гарсан шийдвэрийн талаар ХЗДХ-ийн сайд Б.Энхбаяр мэдээлэл хийлээ.

Тэрбээр энэ үеэр “Бүх насаар хорих ял ноогдуулахаар заасан хэргүүдэд эрүүгийн хууль зааснаар хөөнө хэлэлцэх хугацаа тоолдоггүй. Бага насны хүүхдийн эсрэг үйлдсэн гэмт хэргийн хөөн хэлэлцэх хугацааг 20-30 жил болгож байгаа. Бага насны хүүхдийг алах болон хүчиндэх, бэлгийн мөлжлөг гэсэн хэргүүд хөөнө хэлэлцэх хугацаагүй болж байна. Хүнийг алах гэмт хэргийн хүндрүүлэх бүрэлдэхүүн буюу бага насны хүүхдийг алах, бага насны хүүхдийг хүчиндэх, бага насны хүүхдийн эсрэг үйлдсэн бэлгийн мөлжлөг, хүн худалдаалах гэмт хэргийн хүндрүүлэх бүрэлдэхүүнд өршөөл үзүүлэхгүй. Сая дурдсан энэ төрлийн гэмт хэрэг болон бусдыг санаатай алах, авлига албан тушаалын бүх төрлийн хэргүүдэд хорих ялыг хугацаанаас өмнө суллахгүй. Бага насны хүүхдийг алах, бага насны хүүхдийг хүчиндэх гэмт хэрэгт оногдуулах хорих ялын дээд хэмжээ 20 жил байгааг 25 жил болгоно” гэлээ.