Өнөөдөр олон улсын охидын өдөр. Жил бүрийн энэ өдрөөр дэлхийн нийт охидын эрхийн асуудлыг нэгэн зэрэг  анхаарч, дуу хоолойг маань сонсдог. Охидын эрх бол шинэлэг зүйл биш, байх ёстой хэм хэмжээ юм.

Иймд охидын өдрийн талаарх таван баримтыг хүргэж байна.

1.Охид өөрийн баяр баясал, эрх чөлөө, үзэл бодлоо чөлөөтэй илэрхийлэх ёстой.

• Охид арьс өнгө, бэлгийн чиг баримжаа, хэл, чадвар, эдийн засгийн байдал, газарзүйн хувьд хаана амьдарч байгаагаасаа үл хамааран Дижитал орчинд өөрийн баяр баясал, эрх чөлөө, үзэл бодлоо чөлөөтэй илэрхийлэх ёстой.

2. Жендэрийн дижитал ялгааг арилгах хэрэгтэй.

• Технологийн чиг хандлагад өртөмтгий өсвөр насны охидод урам зориг өгөх түүх, блог, видео контентуудыг хуваалцаж тэднийг хүчирхэгжүүлэхэд анхаарч, өнөөгийн охидын жендэрийн дижитал ялгааг арилгахын тулд жендэрийн линзтэйгээр асуудалд хандах хэрэгтэй.

3. Охидын эрхийн өдөр бол баяр биш, эрхийг хэрэгжүүлэхэд нөлөөлөх өдөр.

• Дэлхий нийтээрээ "Охидын эрхийн өдөр"-тэй болсноор охидын өмнө эрх мэдлийн тэнцвэргүй байдлаас үүдсэн бэрхшээлийг шийдвэрлэх, охидыг чадавхжуулах, тэдний хүний эрхийг хэрэгжүүлэхэд дэмжлэг үзүүлэх, нөлөөлөх боломжууд нэмэгдэж байна.

4. Хэвшмэл ойлголт, саад бэрхшээлийг багасгаж тэднийг дэмжих

• Өнөөдөр охидын өсвөр насанд нь мэдрэмжтэйгээр дэмжиж чадвал маргаашийн ажилтнууд, ээжүүд, бизнес эрхлэгчид, менторууд, гэр бүлийн тэргүүнүүд, улс төрийн манлайлагчдыг чадавхжуулж, нийгмийг эерэгээр өөрчлөн хувиргах боломжтой.

5. Охидын санаачилсан хүний эрхийн хөдөлгөөнүүдийг дэмжих

• Охидын хүч чадлыг ухамсарласнаар хүн төрөлхтний өмнө тулгамдаж буй уур амьсгалын өөрчлөлт, улс төрийн зөрчилдөөн, эдийн засгийн өсөлт, тогтвортой хөгжлийн асуудлуудыг шийдвэрлэхэд тэгш эрхтэй түншлэгчид байж, илүү эрх тэгш, хангалуун ирээдүйг амлаж чадна.

Охидод ялгаатай байдлаас үүдсэн хэвшмэл ойлголтуудын хил хязгаар, саад бэрхшээлүүдийг багасгах нийгмийн бизнес, хүний эрхийн хөдөлгөөнүүдийг санаачилж, өөрсдөдөө болон хойч үедээ ээлтэй, хүртээмжтэй Дэлхий ертөнцийг бүтээж байна.