УИХ-аас 2015 онд Хүүхэд харах үйлчилгээний тухай хуулийг баталж, эрүүл, аюулгүй орчинд хүүхэд харах үйлчилгээний эрх зүйн орчныг бүрдүүлсэн.

Өнгөрсөн онд хүүхэд харах 76 төвд 450 гаруй хүүхэд харагч ажиллаж, 2200 хүүхдэд үйлчилгээ үзүүлсэн байна. Энэ ажилд 2.2 орчим тэрбум төгрөг зарцуулжээ.

Энэ онд хүүхэд харах 140 гаруй төвд 350 гаруй хүүхэд харагч ажиллаж, 1600 гаруй хүүхдийг үйлчилгээнд хамруулж байна.

Тэдгээр хүүхдийн 95 нь хөгжлийн бэрхшээлтэй, 50 нь хилийн заставт амьдардаг хүүхэд байгаа юм.

Цаашид хүүхэд харах үйлчилгээний эрх зүйн орчныг боловсронгуй болгож, хөгжлийн бэрхшээлтэй хүүхдийг харж асрах, залуу болон алслагдмал бүс нутагт амьдарч байгаа гэр бүлийг дэмжих чиглэлд анхаарах шаардлага тулгарч байна.

Боловсрол, шинжлэх ухааны сайд Л.Энх-Амгалан ингэж ярилаа.