УИХ-ын чуулганы  хуралдаанаар хотын дарга болон сайд нарыг томилох тухай шийдвэрийг Ерөнхий сайд Л.Оюун-Эрдэнэ танилцууллаа. 

Энэ үеэр УИХ-ын гишүүн Г.Дамдинням Хууль зүй, дотоод хэргийн сайдад нэр дэвшиж буй УИХ-ын гишүүн Б.Энхбаяраас хэд хэдэн асуудлыг тодруулж, үг хэллээ.

Тэрбээр "Нэгдүгээрт Улаанбаатар хотын авлигал засаг замбараагаа алдсан. Үүний үр дүнг бид өнгөрсөн зуны турш харлаа. Бяр чадалтай авлигачдын бэлгэ тэмдэг болсон барилгуудад хууль хэрхэн очдогийг харуулж өгөөч. Ингэж байж л бид Улаанбаатар хотыг цэгцэлнэ. Улаанбаатар хотын авлигыг цэгцлэх талаар хэрхэн анхаарах вэ? Энэ асуудлыг шийдвэрлэж өгөөрэй, эргэж нэхнэ шүү.

Хоёрдугаарт нүүрсний хулгайтай холбоотой асуудал дээр сонсгол явах байх, сонсголыг бүх хүрээгээр нь дэлгэрэнгүй бүх талыг нь хамруулж зохион байгуулж өгөхийг хүсье" хэмээлээ.