Нийслэлийн Засаг дарга Д.Сумъяабазар үүрэгт ажлаас чөлөөлөгдөх хүсэлтээ өчигдөр Ерөнхий сайдад гаргалаа. Чөлөөлөх эсэх эцсийн шийдвэрийг Ерөнхий сайд гаргах юм. 

Өнөөдрөөс эхлэн дараагийн хотын даргын нэр яригдаж эхэллээ. Хотын даргын албан тушаалд ХЗДХ-ийн сайд Х.Нямбаатар, УИХ-ын гишүүн Б.Дэлгэрсайхан, НИТХ-ын дарга Ж.Батбаясгалан, НИТХ-ын төлөөлөгч Р.Дагва нарын нэрс яригдаж байна гэж хэвлэлүүд бичиж байна. 

УИХ дахь МАН-ын бүлгийн дарга Д.Тогтохсүрэн энэ талаар, Хотын дарга болон Түгжрэлийн сайдын албан тушаалын томилгоог маргааш болох МАН-ын Удирдах зөвлөлийн хурлаар хэлэлцэнэ. Одоогоор ямар ч хүний нэр яригдаагүй байна гэв.  

МАН-ын Удирдах зөвлөлийн хурлыг маргааш Засгийн газрын хуралдааны дараа 14.00 цагт хийхээр төлөвлөжээ.