Монгол Улсын захиалга өгсөн 600 автобусыг шинэ, хуучин гэх асуудал гарч, олны бухимдал төрүүлсэн. Уг автобусыг үйлдвэрлэгч БНСУ-ын "Zyle Daewoo bus" компанийн захирал нь өчигдөр Монголд ирж, "Тэнүүн-Огоо" ХХК-ийн байранд тайлбар мэдээлэл өглөө. Энэ үеэр тэрээр “Арлын дугаар нь 30 жилийн өмнөх дугаар гэж худлаа мэдээлэл гарсан. Манай компани Солонгос улсын хуулийн дагуу VIN дугаарыг авдаг. Солонгосын Ерөнхий прокурор, Эрүүгийн цагдаагийн газарт хандаж шалгуулна” гэсэн юм.

Харин өнөөдөр УИХ-ын гишүүн Т.Доржханд “Асуудлыг сөхөж ил болгосон ХҮН намын залуус, талбай дээр ирж “цавчаа ногоон”-уудыг үзсэн иргэд, түүнийг сурвалжилсан сэтгүүлчид болон үүгээр шүүмжилсэн жиргээчид бүгдээрээ хам хэрэгтэн болчихов уу⁉️ Бид Монгол болон Өмнөд Солонгос улсад хуулийн үйлчилгээ үзүүлдэг хуульчдын багуудаа ажилд нь оруулж байна. Солонгосын Ерөнхий прокурор, Эрүүгийн цагдаагийн газарт хандаж шалгуулна.

Дарга нараа, та нар өөрсдөө Монголыгоо муухай харагдуулах зүйлсээ эхлүүлсэн, харин бид ичиж зовохгүйгээр араас нь тултал явах болно‼️” гэв. Мөн тэрээр автобусны худалдан авалтыг ямар ч үндэслэлгүйгээр төрийн нууцад оруулсан. Нууцад авах шийдвэрийг Засгийн газар гаргаагүй байна. Нууцад авах нь зүйтэй гэсэн зөвлөмжид л үндэслэжээ. Нууцад авдаг жишиг тогтож байгаа нь маш буруу. Зах зээлийн үнээс 2-3 дахин үнэтэй тул ийм арга ашигладаг. Нүүрс зарахдаа нууцалсан, төмөр зам барихдаа мөн л нууцалсан. Одоог хүртэл долоон гэрээ нууц хэвээрээ байна. иргэд нь ч, УИХ-ын гишүүд нь ч мэддэггүй% одоо хангалттай" гэсэн юм.  

Өнөөдөр тус намын нийслэлийн бүлгийн төлөөлөгчид Төрийн ордонд хэвлэлийн хурал хийсэн юм.