Эрүүл мэндийн яам, Эрүүл мэндийн хөгжлийн төвөөс сувилагчийн мэргэжлийн ур чадварыг дээшлүүлж, туршлага солилцох, чадавхжуулах зорилгоор  БНХАУ-ын ӨМӨЗО-ны Хөх хотод сувилагчдад зориулсан сургалтыг Олон улсын Монгол эмнэлгийн хороотой хамтран зохион байгуулжээ.

Эрүүл мэндийн сайдын гаргасан тушаалын дагуу хэрэгжиж байгаа уг сургалтаар эхний ээлжинд сувилагч мэргэжлээр 5-аас дээш жил ажилласан нийслэл, орон нутгийн нийт 30 сувилагч суралцаж байна. Сургалтаар цусны эмгэг, хавдар, хүүхэд, тархины эмгэг судлал чиглэлээр онол, дадлага хослуулан сургаж байгаа нь ихээхэн ач холбогдолтой юм гэж Эрүүл мэндийн яамнаас мэдээллээ.