Монголын үндэсний худалдаа аж үйлдвэрийн танхимын ХХI Их хурал өчигдөр болж өндөрлөлөө. Шөнө болтол хуралдсаны эцэст ирэх дөрвөн жилд тус байгууллагыг удирдах Ерөнхийлөгчөөр Д.Энхтүвшин тодорлоо. Уг сонгуульд 13 хүн өрсөлдсөнөөс “MCS" группын дэд ерөнхийлөгч асан, шарк Д.Энхтүвшин санал хураалтад оролцсон 648 хүнээс хамгийн олон буюу 246 хүний санал авч Монголын үндэсний худалдаа аж үйлдвэрийн танхимын ерөнхийлөгчөөр сонгогджээ. Өнгөрсөн хугацаанд Монголын үндэсний худалдаа аж үйлдвэрийн танхимыг удирдсан О.Амартүвшин дахин сонгогдохын төлөө өрсөлдөхгүй гэдгээ мэдэгдсэн.