Дөрвөн жил тутам явагддаг Дэлхийн сонсголгүй иргэдийн Ерөнхий Ассемблэйн XXI дэх Их хурал 2023 оны 07-р сард Солонгос улсын Жэжү хотноо зохион байгуулагдаж, уг их хурлаар 135 орны төлөөлөгчид оролцож, Сонсголгүй хүүхдийн эрхийн тунхаглалыг баталсан.

 

Энэхүү тунхаглалд дэлхийн бүх сонсголгүй хүүхдийн эрхийг тунхагласан 10 зүйл багтсан бөгөөд Дэлхийн улс орнуудыг сонсголгүй хүүхдийн эрхийг хүндэтгэн тус 10 тунхаглалыг хүлээн зөвшөөрч, хэрэгжүүлэх Уриалга гаргасан.

 

Манай улсын хувьд 2023 оны 8 дугаар сарын 3-ны өдрөөс хүчин төгөлдөр мөрдөж буй Боловсролын Ерөнхий хууль, Сургуулийн өмнөх болон Ерөнхий боловсролын тухай хуульд Сонсголын бэрхшээлтэй суралцагчид боловсрол эзэмшүүлэх сургалт, үйл ажиллагааг Дохионы хэлээр явуулахаар хуульчилж, энэхүү тунхаглалыг хэрэгжүүлэх ажлыг эхлүүлээд байна гэж БШУЯ-наас мэдээллээ.