Улсын хэмжээнд хавдрын өвчлөлийг бууруулах, эрт илрүүлэх, тусламж үйлчилгээг сайжруулах зорилготой “Хавдар судлалын тулгамдсан асуудал-2023” хавдар судлаач эмч нарын 17 дахь удаагийн эрдэм шинжилгээний хурал болж байна.



Нэгдсэн хурлыг нээж ХСҮТ-ийн ерөнхий захирал Н.Эрдэнэхүү,  УИХ-ын гишүүн Ж.Чинбүрэн, ЭМЯ-ны ЭТҮГ-ын дарга Д.Баярболд нар үг хэлж, ОХУ-ын ЭМЯ-ны хавдрын ерөнхий мэргэжилтэн, ОХУ-ын хавдар судлаачдын нийгэмлэгийн ерөнхийлөгч, шинжлэх ухааны доктор, профессор Каприн Андрей Дмитриевич цахим мэндчилгээ илгээлээ.



Хуралд аймаг, дүүргийн нэгдсэн эмнэлгийн хавдар судлаач эмч нараас гадна Тайваний Үндэсний Их Сургуулийн эмнэлгийн профессор Мин Чи Хо, Японы Хирошимагийн Их Сургуулийн профессор Нагата Ясуши, НЭМҮТ-ийн захирал С.Өнөрсайхан болон Монос группын захирал Д.Цэрэнбат нарын зочид төлөөлөгчид оролцож байна.



          Манай улс 2006 оноос эхлэн жил бүр тус хурлыг зохион байгуулсан. Энэ удаагийн хурлаар Хавдрын хими, бай эмчилгээ”, “Хорт хавдрын ангиографи эмчилгээ”, “Монгол улс дах ХПВ-ийн шалтгаант умайн хүзүүний хорт хавдрын оношлогоо, эмчилгээний менежмент”, “Хорт хавдрын салбарын хөгжлийн чиг хандлага”, “Монгол улсын хавдар судлалын салбарын судалгаа, шинжилгээний ажлын үр дүн” сэдвээр нийт 14 илтгэл танилцуулсан юм.