Нийслэлийн Засаг даргын “Тарваган тахал өвчнөөс урьдчилан сэргийлэх тухай” захирамжийн хүрээнд нийслэлийн Онцгой байдлын газар НЦУГ, НМЭГ, НЭМГ-аас хамтран хяналт шалгалтыг эрчимжүүлэн ажиллаж байна. Хяналт шалгалтын хүрээнд энэ долоо хоногт Эмээлт авто тээврийн шалган нэвтрүүлэх товчоогоор дөрвөн тээврийн хэрэгслээр нийт 53 ширхэг тарваганы мах, нэг буу, Баянзүрх дүүргийн 20 дугаар хороо Шар хоолойн Булагтай аманд хууль бусаар тарвага агнаж байсныг тус тус илрүүлжээ. Улмаар Зоонозын өвчин судлалын үндэсний төвд хүлээлгэн өгч, холбогдох байгууллага зөрчлийн хэрэг нээн шалгаж байна хэмээн Нийслэлийн онцгой байдлын ерөнхий газраас мэдээллээ.