Хүүхдээ хоёр нас хүртэл, ихэр хүүхэд бол гурван нас хүртэл харж буй эцэг, эхийн ЭМД-ын шимтгэлийг төрөөс хариуцан төлөхийг Эрүүл Мэндийн Даатгалын Ерөнхий Газраас мэдээллээ. 

Тодруулбал ЭМД-ыг:    0-18 насны хүүхэд,

                                       тэтгэврээс өөр мөнгөн орлогогүй,

                                       нийгмийн халамж дэмжлэг зайлшгүй шаардлагатай,

                                       цэргийн алба хаагч,

                                        хүүхдээ хоёр нас (ихэр бол 3 нас) хүртэл харж буй эцэг, эх,

                                       тодорхой хугацаагаар эрхээ хязгаарлуулсан буюу (ял эдэлж байгаа ялтан) иргэд тус тус  багтдаг.

Хэрэв дээрх иргэдийн  ЭМД-ын шимтгэл төлөгдөөгүй бол 1800-1363 дугаарын утсанд хандах боломжтой юм байна. 

Төрөөс шимтгэлийг нь хариуцан төлж буй иргэдийн хувьд 18 хүртэлх насны хүүхдийн шимтгэлд хөдөлмөрийн хөлсний доод хэмжээний 1%–иар, бусад төр хариуцах иргэдийн шимтгэлийг хөдөлмөрийн хөлсний доод хэмжээний 2%-иар тус тус Төрөөс буюу улсын төсвөөс хариуцан ЭМД-ын санд шилжүүлэн төлдөг байна.