Улсын Их Хурлын чуулганы 2023 оны 07 сарын 07-ны өдрийн нэгдсэн хуралдаанаар Нийгмийн даатгалын багц хуулийн шинэчилсэн найруулгыг хэлэлцэн  баталсан.

Хуулиудын хэрэгжилтийг хангах зорилгоор Хөдөлмөр, нийгмийн хамгааллын яам, Нийгмийн даатгалын ерөнхий газар хамтран 2023 оны 09 дүгээр сарын 7, 8-ны өдрүүдэд “Сургагч багш” бэлтгэх сургалтыг зохион байгуулсан.

Энэ удаагийн сургалтад “Нийгмийн даатгалын багц хуулийн шинэчлэлийн талаар албан хаагчдыг чадавхижуулах сургалт, сурталчилгааны төлөвлөгөө”-ний дагуу НДЕГ, ННДГ болон НДЕГ-ын дэргэдэх Мэдээллийн технологийн төв, БНСУ дахь ХНХҮТ-ийн Нийгмийн даатгалын тасгийн газар, хэлтсийн дарга, мэргэжилтнүүдээс бүрдсэн нийт 65 албан хаагч хамрагдлаа.

Сургалтыг нээж Хөдөлмөр, нийгмийн хамгааллын яамны НДБХЗГ-ын дарга Б.Батжаргал “Хувийн нэмэлт тэтгэврийн хуулийн төсөл, хуримтлалын нэгдсэн сангийн загвартай хэрхэн холбогдох нь” сэдвээр, Нийгмийн даатгалын ерөнхий газрын даргын албан үүргийг түр орлон гүйцэтгэгч Ц.Ганцэцэг “Нийгмийн даатгалын багц хуулийн шинэчлэлийн агуулга”, “Нийгмийн даатгалын ерөнхий хуулийг хэрэгжүүлэхэд анхаарах асуудлууд” сэдвээр, сургагч багш С.Лхагвадорж “Нийгмийн даатгалын сангаас олгох тэтгэврийн тухай хууль”, “Нийгмийн даатгалын сангаас олгох тэтгэмжийн тухай хууль”, “Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хууль”-ийг хэрэгжүүлэхэд анхаарах асуудлууд сэдвээр сургалт хийж, сургалтад оролцогчдын асуултад хариулт өглөө гэж ХНХЯ-аас мэдээллээ.