2022 онд нийслэлийн 161 байршилд RFID уншигч төхөөрөмжийг суурилуулсан. Харин энэ жил нийслэлийн бүх тээврийн хэрэгсэлд цахим гэрчилгээг олгохоор ажиллаж байна. Түүнчлэн ирэх жилээс орон нутаг, импортоор орж ирж буй тээврийн хэрэгслийн гэрчилгээг цахимжуулах төлөвлөгөөтэй байна. Эхний ээлжид 442000 цахим гэрчилгээ болон түүнд шаардлагатай тоног төхөөрөмж, программын суурилуулалт хийж байгаа бөгөөд энэ сардаа багтаан зорилтот бүлгийн тээврийн хэрэгсэл эзэмшигчдэд цахим гэрчилгээ олгох юм байна.