Өнөөдрийн байдлаар улсын хэмжээнд эрт илрүүлгийн явц 30 гаруй хувьтай байна. Эдгээр үзлэгт хамрагдсан иргэдийн дийлэнх нь 35-аас дээш насныхан. Сүүлийн таван жил буюу 2019 оноос хойш эрүүл мэндийн даатгалаа тасралтгүй төлсөн иргэн болгон урьдчилан сэргийлэх эрт илрүүлгэд үнэ төлбөргүй хамрагдах бүрэн боломжтой. Гэвч эрт илрүүлэгт хамрагдах иргэдийн идэвх муу байгаа бөгөөд зарим хүн мэдээлэл аваагүй, мэдээллийн зөрүүтэй ойлголтоос болж үзлэг шинжилгээндээ хамрагдаагүй байгаа юм.Тиймээс өрхийн эрүүл мэндийн төвүүд эрт илрүүлэгт хамрагдах иргэдийг урьдчилж бүртгэж байгаагаа мэдэгдлээ.

Тодруулбал, Баянгол, Баянзүрх, Сүхбаатар дүүргүүдийн  өрхийн эмнэлгүүд эрт илрүүлэг  хамрагдах иргэдээ утсаар урьдчилж бүртгүүлэхийг зөвлөсөн байна.

Эрт илрүүлгийн энэ жилийн онцлог нь үндсэн шинжилгээнээс гадна багажийн оношилгоо нэмэгдсэн. Тухайлбал, дурангийн шинжилгээ, рентген, бамбай, хөхний хавдар илрүүлэх зэрэг шинжилгээнүүд юм.

Урьдчилан сэргийлэх багцын хувьд нас наснаас нь хамаараад хамгийн их өвчлөлийн тохиолдлоор нь үзлэг оношилгоо шинжилгээнүүд хийгдэнэ. Эрүүл мэндийн даатгалын нөхөн төлөлт хийхдээ E-Баримт бүртгүүлэх аппликэйшнд хандан регистрийн дугаараа шалгах, регистрийн дугаар дээрээ өөр хүний дугаар хийх, солих боломжтой.