БОАЖЯам , Үндэсний цэцэрлэгт хүрээлэн, “Дугуйтай гэр бүл” нөхөрлөл хамтран дугуйтай өдөрлөгийг есдүгээр сарын 10-ны өдөр 12:00 цагт Үндэсний цэцэрлэгт хүрээлэнгийн Дугуйн талбайд зохион байгуулах гэж байна.

Амралтын өдрөө гэр бүлийн хамт дугуйн спортын талаар мэдээлэл зөвлөгөө авч, дугуй унаж сурах хялбар аргаас суралцах боломж хүн бүрт нээлттэй байх аж. 

Унадаг дугуй гэдэг бол  зөвхөн спорт, хобби биш хүн бүрт хүртээмжтэй хэрэглээ, амьдралын хэв маяг, тээврийн хэрэгсэл бөгөөд цаг, минутаар хэмжигдэх болсон уур амьсгалын өөрчлөлтөд өртөөд байгаа эх дэлхийгээ аврах ногоон төлөвлөгөө шийдлийн нэг эд эс гэдгийг “Дугуйтай гэр бүл” нөхөрлөлийн хамт олон онцолж байна.