Тэрээр "Энэ хичээлийн жил дээд боловсролын салбарт их онцлогтой жил болж байна.  Өнгөрсөн долоодугаар сарын 7-ны өдөр "Дээд боловсролын тухай хууль" шинээр батлагдсан. Уг хууль нь байгууллага төвтэй биш суралцагч төвтэй хууль болсон. Өөрөөр хэлвэл хуульд их сургуулиудын засаглалын асуудлих тодорхой болсон.

Их сургууль, дээд сургууль, коллеж гэсэн ангилалтай байдаг. Эдгээрийн ангиллыг шинэчлэн тогтоон, "дээд сургууль" гэх ойлголт байхаа больж улмаар их сургууль, коллеж гэх хоёр ангилал байхаар болсон. 

Өнгөрсөн жилээс эхлэн дээд боловсролын сургалтын чанарыг дээшлүүлэх зорилгоор 88 их, дээд сургуультай байснаас 27 дээд сургуулийн тусгай зөвшөөрлийг зогсоосон. Ингэснээр 65 их сургууль үйл ажиллагаа явуулж байна. Эдгээр сургуулиудын эрэмбэ, чансааг олон улсын байгууллагаар тогтоолгохоор ажиллаж байгаа.Өнгөрсөн хавар 22 сургуульд албан шаардлага хүргүүлсэн. Тэдгээрт хяналт, шалгалт хийнэ. Үүний үр дүнг есдүгээр сард гаргана. 100-аас доош үнэлгээ авсан сургуульд чанарын хяналт хийнэ. Ингэснээр дээд боловсролын чанарыг сайжруулах чиглэлд анхаарч байна. 

Төрийн өмчийн их сургуулийн захирлыг нээлттэй сонгон шалгаруулалтын үндсэн дээр томилж, хуульд заасан үндсэн дээр чөлөөлөх зохицуулалт орсон. Тэгэхээр сайд их сургуулийн захирлыг томилдог зохицуулалт халагдсан.