2023 оны 08 дугаар сард ЭМДЕГ-т эрүүл мэндийн байгууллагатай холбоотой асуудлаар дөрвөн иргэнээс  гомдол ирснийг хянаж, үндэслэлтэй гэж үзэн даатгуулагчдын өөрөөс гаргасан эмчилгээний нийт зардал болох 3,1 сая төгрөгийг тухайн эрүүл мэндийн байгууллагуудаас гаргуулан буцаан олгуулжээ.

ЭМДҮЗ-ийн 2023 оны 08 дугаар тогтоолын хүрээнд ЭМД-аас үзүүлэх 16 багц тусламж, үйлчилгээг бүрэн үзүүлэхэд шаардлагатай эм, тариа, багаж болон бусад хэрэгслийн өртөг, үнийг шингээж өгсөн бөгөөд хамтын төлбөртэй оношоос бусад тохиолдолд даатгуулагчаас нэмэлт төлбөр авахгүйгээр зохицуулсан байдаг байна. Ингэснээр даатгуулагч иргэн хэвтэж эмчлүүлэх үедээ санхүүгийн  эрсдэлд санаа зовж цаг алдахгүйгээр тусламж үйлчилгээг авах нөхцөл бүрдэх юм. 

Харин тухайн байгууллага буцаан олголтыг хуулийн хугацаанд шийдвэрлээгүй тохиолдолд ЭМДЕГ-ын Худалдан авалт, гэрээлэлтийн газрын 70101159, 70101116 утсанд хандаж, өргөдлөө өгөн шийдвэрлүүлэх боломжтой юм. Иймд даатгуулагч иргэн та ЭМДЕГ-тай гэрээтэй ЭМБ-уудад хэвтэн эмчлүүлэх хугацаандаа өөрийн өвчний түүхэнд бичигдсэн эм тариа, бусад хэрэгслийг гаднаас худалдан авсан болон нэмэлт төлбөр төлсөн тохиодолд төлбөрийн баримтыг үндэслэн тухайн эрүүл мэндийн байгууллагын чанарын албанд хандаж буцаан олголт авах боломжтой