ЦЕГ-ын ХМТ-өөс бага насны 2 эмэгтэй хүүхдийг хулгайлахыг завдсан талаар мэдээлэл өглөө. Уг гомдол мэдээлэл нь  08 дугаар сарын 22-ны 19 цаг 30 минутад цагдаагийн  102 тоот утсанд “БЗД 4 хорооны нутаг дэвсгэрт нэр бүхий хотхонд байрлах дэлгүүрийн гадаа манай 10 настай, 13 настай 2 эмэгтэй хүүхдийн араас эрэгтэй хүн дагаад та 2 дэлгүүрээс юм хулгайлсан байна гээд авч явах гэсэн байна” гэх дуудлага бүртгэгдсэн байна. Энэ хэргийг Баянзүрх дүүргийн цагдаагийн газрын хоёрдугаар хэлтэс холбогдох шалгалтын ажиллагааг явуулж, тухайн этгээдийг эрэн сурвалжлах ажиллагааг үргэлжлүүлж байна” гэлээ.