Хөвсгөл аймгийн Цагаан нуур сумын нутаг дэвсгэрт энэ сарын 10-ны өдөр БНСУ-аас ирсэн 45-55 орчим насны хоёр иргэн амь эрсэдсэн харамсалтай хэрэг гарчээ.

Тодруулбал: Аяллын шугамаар ирсэн хоёр иргэн усанд сэлж байхдаа хөл алдан, живсэн байдалтай нас барсан гэж мэдээллээ. Уг хэргийг Хөвсгөл аймгийн Цагдаагийн газраас мөрдөн шалгах ажиллагааг үргэлжлүүлэн явуулж  байгаа юм байна.

Иймээс иргэд, олон нийтэд гол ус, нуурын орчим аялж зугаалах, усанд орохдоо болзошгүй эрсдэлийг үргэлж тооцож, сонор сэрэмжтэй байж, согтууруулах ундааны зүйл хэтрүүлэн хэрэглэхгүй байх, өөрийн болон хамт аялж яваа бусдын амь нас, эрүүл мэнд, аюулгүй байдалд анхаарч, аюул, осолгүй аялахыг сэрэмжлүүллээ.