Өнгөрсөн долоо хоногийн байдлаар Улаанбаатар хотод орон нутгаас 177,540 тээврийн хэрэгсэл орж ирсэн байна. Энэ нь сургууль, цэцэрлэгийн хичээлийн шинэ жил эхлэхтэй  холбоотойгоор үүссэн замын хөдөлгөөний ачаалал юм. Нөхцөл байдлыг ажиглахад зах, худалдааны төв рүү чиглэсэн зорчих хөдөлгөөн ачаалал эрс нэмэгдэж, түгжирч байгаа тул  "автомашины улсын дугаарын хязгаарлах" арга хэмжээг авч байна.

Иймд наймдугаар сарын 26-наас автомашины улсын дугаарын тэгш, сондгойгоор хөдөлгөөнд оролцуулахаар болсон.

Тодруулбал:

• Сондгой тоо буюу 1, 3, 5, 7, 9-өөр төгссөн автомашиныг 2023 оны наймдугаар сарын 27, 29, 31, Есдүгээр сарын 2, 4, 6, 8, 10, 12, 14-ний өдрүүдэд
• Тэгш тоо буюу 0, 2, 4, 6, 8-аар төгссөн автомашиныг наймдугаар сарын 26, 28, 30, Есдүгээр сарын 1, 3, 5, 7, 9, 11, 13-ны өдрүүдэд, 08:00-20:00 цагийн хооронд тус тус замын хөдөлгөөнд оролцуулахаар тусгажээ.

Дугаарын хязгаарлалтын бүс нь:

• Хойд хязгаар нь 32-ын тойрог
• Урд хязгаар нь 120-ийн уулзвар
• Зүүн хязгаар нь Чулуун овооны аюулгүйн тойрог
• Баруун хязгаар Саппорогийн тойргийн хүрээнд тэгш, сондгойгоор хөдөлгөөнд зорчуулах аж.

НЗД-ын хэвлэлийн төлөөлөгч Н.Сугар: "Энэ жилийн улсын дугаарын тэгш, сондгойгоор хөдөлгөөнд оролцуулах зохицуулалт 20 хоног үргэлжилнэ" гэлээ.

"Замын хөдөлгөөний удирдлагын төв" ОНӨТҮГ-ын захирал С.Адъяасүрэн: Өнгөрсөн долоо хоногийн байдлаар Улаанбаатар хотод орон нутгаас 177,540 тээврийн хэрэгсэл орж ирсэн байна. Сүүлийн өдрүүдийн замын хөдөлгөөний нөхцөл байдлыг ажиглахад зах, худалдааны төв рүү чиглэсэн зорчих хөдөлгөөн нэмэгдсэн.

Яг одоо 685,092 тээврийн хэрэгсэл хөдөлгөөнд оролцож байна. Энэ оны эхний найман сарын байдлаар нийслэлийн замын хөдөлгөөнд давхардсан тоогоор нийт 395,000-485,000 тээврийн хэрэгсэл хөдөлгөөнд оролцож байгаа юм. Улмаар хөдөлгөөний ачаалал эрс нэмэгдэж, түгжрэл саатал үүсэх нөхцөл байдал үүсэж байна. Тиймээс энэ хичээлийн шинэ жилтэй холбогдуулж дугаарын хязгаарлалтын арга хэмжээг авч байна.

Ноднин жил авто машиныг тэгш, сондгойгоор хөдөлгөөнд оролцуулах арга хэмжээ авч байсан. Тухайн үед замын хөдөлгөөн 7-9 километр цагийн хурдтай байсан бол тэгш, сондгой хөдөлгөөнд зорчуулах арга хэмжээ авснаар 15-20 километр цагийн хурдтай зорчиж байсан. Ингэснээр 38 орчим хувиар замын хөдөлгөөний түгжрэл, саатал буурсан үзүүлэлттэй гарсан учраас энэ арга хэмжээг дахин авч байна.

"Замын хөдөлгөөний удирдлагын төв" ОНӨТҮГ-ын захирал С.Адъяасүрэн "Өнгөрсөн