Монгол Улсын Их Хурлын дарга Д.Амарбаясгалангийн санаачилгаар эхлүүлсэн ерөнхий боловсролын сургуулийн ахлах ангийн сурагчдад санхүүгийн боловсрол олгох "Level-UP" хөтөлбөр өнөөдөр Ховд аймагт нээлтээ хийлээ.

Ховд аймагт бэлтгэгдсэн санхүүгийн боловсролын сургагч 35 багш ерөнхий боловсролын сургуулийн ахлах ангийн 418 суралцагчтай 2025 оны 06 дугаар сарын 05-ны өдрийг хүртэл хамтран ажиллаж, санхүүгийн суурь ойлголт, мэдлэг олгоно.

Монголын боловсролд анх удаа 2016 оноос ахлах ангийн суралцагчдад санхүү, бизнесийн системтэй мэдлэг олгох “Бизнес судлал” хөтөлбөрийг сонгон судлах боломжтой болсон. Энэ хүрээнд өнөөдрийн байдлаар төрийн өмчийн ерөнхий боловсролын 10 гаруй сургуулийн 900 гаруй суралцагч, medle цахим сургуульд сонгон судлах хөтөлбөрөөр 1168 суралцагч судалж байна.