Япон улсын хэмжээнд газар хөдлөлт бусад байгалийн гамшгийн үеийн нүүлгэн шилжүүлэлтийн улмаас ядарч туйлдаж, сэтгэл гутрах зэрэг шалтгаантай нас баралтын тоо сүүлийн 30 гаруй жилд 5456 болжээ.

“Киодо ньюс”-т мэдээлснээр, 1995 оны 1 сарын 17-нд японы баруун талын Кобе хот, түүний ойр орчимд болсон 7,3 магнитудын гамшигт газар хөдлөлтөөс хойш 30 жил өнгөрснийг тохиолдуулж энэ тоог дэлгэсэн байна. Ар гэрийнхнийх нь хүсэлтээр энэ бүртгэлд хамруулдаг учраас бодит тоо үүнээс өндөр байх магадлалтай гэж албаныхан мөн үзэж байна. Улмаар олон хүнийг нэг дор байрлуулдаг, тав тух муутай зэрэг гомдол дагуулдаг нүүлгэн шилжүүлэлтийн төвүүдийн нөхцөлийг сайжруулахад Засгийн газраас анхаарч ажиллахаа мэдэгджээ.