Өнгөрсөн оны 10 сард Их Британийн засгийн газар эрчим хүчний дээд үнэд тогтоосон хязгаарыг 10 орчим хувь нэмсэн, үүний дараагаас нэмэгдсэн эрчим хүчний үнийн дарамт айл өрхүүдэд хүнд тусаж байна.

Их Британийн эрчим хүчний салбарын төв байгууллага хий, цахилгааны зах зээлийг удирдах газар 1-р сарын 1-нээс үнийг дахин 1,2 хувиар нэмснээр айл өрхийн цахилгааны төлбөр улам ихсэж, өвлийн ид хүйтэн саруудад иргэдийн санхүүгийн чадавхыг улам туйлдуулж байгааг “Ассошиэйтэд пресс” агентлаг мэдээлсэн байна.

2022 оны 2 сард Украины дайн эхлэхээс өмнөх үетэй харьцуулахад Их Британид айл өрхүүдийн цахилгаан дулааны төлбөр 600 паунд буюу 730 орчим ам.доллароор үнэд оржээ. Их Британи улс халаалтад ашигладаг хийн хэрэглээгээрээ Европтоо 2-т, цахилгаан эрчим үйлдвэрлэлд ашигладаг хэмжээгээрээ 5-д ордог. Шинжээчдийн хэлж байгаагаар, ирэх 4-р сараас дахиад эрчим хүчний үнийг 3 хувь нэмж болзошгүй байна.