K1-Ажил хэргийн шугамаар ирэх гадаадын иргэнд визийн зөвшөөрөл хүсэхдээ юуг анхаарах вэ. 

 

Визийн зөвшөөрөл нь олгогдсон өдрөөс хойш 60 хоногийн дотор хүчинтэй байна.

 

Түр ирэгч гадаадын иргэн визийн ангилалдаа нийцсэн оршин суух зөвшөөрлийг тус улсын хил нэвтэрсэн өдрөөс хойш 21 хоногийн дотор гадаадын иргэний асуудал эрхэлсэн төрийн захиргааны байгууллагад гаргаж болно.

 

Түр ирэгч гадаадын иргэний Монгол Улсад байх нийт хугацаа тухайн жилд 180 хоногоос илүүгүй байх бөгөөд түүнээс илүү хугацаагаар байх тохиолдолд тус улсад оршин суух зөвшөөрөл авна.

 

Баримт бичгийг хуурамчаар бүрдүүлсэн, худал мэдүүлсэн, худал мэдүүлж виз авсан нь тогтоогдсон бол 180 хоног, бусад үндэслэлээр татгалзсан бол 30 хоногийн дараа хүсэлтээ дахин гаргаж болно.

 

К1 ангиллын визийн зөвшөөрлийг +18 дээш насны гадаадын иргэн, харьяалалгүй хүнд олгоно.

 

К1 ангиллын визтэй гадаадын иргэнтэй хамт ирэх 18-аас доош насны гадаадын иргэн, харьяалалгүй хүнийг К4 ангиллын визийн зөвшөөрлөөр урих боломжтой.

 

Дэлгэрэнгүй мэдээллийг ЭНДЭЭС авах боломжтой гэж Гадаадын иргэн, харьяатын газраас мэдээллээ.