Нийтийн тээврийн бодлогын газрын даргын удирдамжийн дагуу Ачаа тээвэр, авто үйлчилгээний хэлтэс, Хяналт шалгалтын хэлтсээс 11 дүгээр сарын 18-наас  12 дугаарсарын 13-ны өдрийг дуустал нийслэлийн гудамж, замын хөдөлгөөнд оролцож буй том оврын ачаа түгээлт, хүргэлтийн автомашинд холбогдох дүрэм, журам, стандартын хэрэгжилтэд хяналт тавин ажиллаж  байна.

Энэ талаар Нийтийн тээврийн бодлогын газрын Хяналт, шалгалтын хэлтсийн авто тээврийн хяналтын улсын байцаагч О.Батцоож "Нийслэлийн Тээврийн Бодлогын Газраас нийслэл хотод тээвэрлэлтийн ажил үйлчилгээ гүйцэтгэж буй ачааны машинуудад авто тээврийн тухай хууль, ачаа тээвэрлэх дүрэм, стандартын хүрээнд хяналт шалгалтыг хийж байна. Шалгалтаар ачаа тээвэрлэх ажил үйлчилгээг мэргэшсэн жолоочоор гүйцэтгүүлэхгүй байгаа зөрчил их илэрч байна.

Ачаа тээвэрлэлтийг мэргэшсэн жолоочоор гүйцэтгүүлэх заалттай байдаг.  Энэ заалт хэрэгжихгүй байна. Мөн ачаа тээвэрлэх зөвшөөрөлтэй байх ёстой. Зөвшөөрөлгүй, зориулалтын бус тээврийн хэрэгслээр ачаа тээвэрлэх нийтлэг зөрчил илэрч байна. Мөн тээврийн хэрэгслийн бүрэн бүтэн байдал, гэрэл дохио, жолоочийн бичиг баримтын бүрэн байдал дээр хяналт шалгалт хийж байгаа.

Илэрсэн зөрчлийг газар дээр нь арилгуулах боломжгүй байдаг. Торгуулийн арга хэмжээг Зөрчлийн тухай хуулийн дагуу торгуулийн арга хэмжээ авахдаа Нийслэлийн тээврийн бодлогын газарт дуудаж, гаргасан зөрчилд тохирсон торгох шийтгэлийг ногдуулдаг. Цаашид зөрчил гаргасан ААН-үүдэд улсын байцаагчийн албан шаардлага хүргүүлж, гүйцэтгэлд хяналт тавьж ажиллана байна” гэлээ.