Боловсролын ерөнхий газрын даргын 2024 оны 06 дугаар сарын 12-ны өдрийн А/187 тоот тушаалаар “Гадаад улсын, эсхүл олон улсын хөтөлбөр хэрэгжүүлдэг боловсролын сургалтын байгууллагаас Монгол Улсын боловсролын сургалтын байгууллагад шилжин суралцах тохиолдолд суралцагчийн эзэмшсэн чадамжийг үнэлж, дүйцүүлэх, багц цаг тооцох журам”-ыг баталсан.

Тус журмын 2.1 дэх хэсэгт “Гадаад улсын, эсхүл олон улсын хөтөлбөр хэрэгжүүлдэг боловсролын сургалтын байгууллагаас Монгол Улсын ерөнхий боловсролын сургуульд шилжин суралцах суралцагчийн эцэг, эх асран хамгаалагчийн хүсэлтийг сургалтын байгууллага хүлээн авна” гэж журамласан.

Иймд гадаад улсын, эсхүл олон улсын хөтөлбөр хэрэгжүүлдэг сургуулиас Монгол Улсын ерөнхий боловсролын сургуульд шилжин суралцах бол төрийн өмчийн хамран сургах тойргийн сургууль эсхүл элсэхээр сонгосон төрийн бус өмчийн сургуульдаа хандан хүсэлтээ гаргана уу.