Энэ өдрүүдэд нийслэлийн зарим автозамуудыг хэсэгчлэн хааж, дулааны шугам шинэчлэлийн болон ус зайлуулах шугам татах ажил хийж байна.

Энэ хүрээнд Сүхбаатар дүүрэг, Олимпын гудамж, Гадаад харилцааны яамны баруун талд дулааны шугамын өргөтгөлийн ажлыг энэ оны долоодугаар сарын 23-ны өдрийн 00:00 цагаас  долоодугаар сарын 25-ны өдрийн 06:00 цагийн хооронд хийж гүйцэтгэнэ.

Мөн Чингэлтэй дүүргийн 24 дүгээр хороо, Санзайн замд (зуслан чиглэлийн зам) борооны ус зайлуулах шугам шинээр татах ажлыг энэ оны долоодугаар сарын 24-ний өдрийн 00:00 цагаас долоодугаар сарын 25-ны өдрийн 05:00 цаг хүртэл хийж гүйцэтгэнэ.

Иймд иргэд, жолооч та бүхэн бусад замыг сонгон хөдөлгөөнд оролцоно уу.