Тарваган тахал илэрсэн иргэнийг ХӨСҮТ-д тусгаарлан, эмчилгээ хийж эхэлсэн талаар ЗСӨТ-өөс мэдээллээ. Мөн өвчтөний нэгдүгээр хавьтлын таван хүнийг тусгаарлаж, урьдчилан сэргийлэх эмчилгээ эхлүүлээд байгаа аж. Тухайн иргэн нь Хэнтий аймгийн Баян-Адарга, Биндэр сумаар зорчиж Улаанбаатар хотод иржээ. Тарваган ьахал болох нь тогтоогдсон тул зорчсон аймаг,суманд хөл хорио тогтоох,тандалт судалгаа хийгдэж байна. Биндэр сумын ЗДТГ-аас мэдээлэхдээ "Биндэр сумын Уйлант гэдэг газар тарваган тахлын тохиолдол бүртгэгдсэн нь үнэн. Тийм учраас сумын онцгой комисс хуралдаж, наймдугаар сарын 8-ны 15:00 цагт сумаас орох, гарах чиглэлийн хөдөлгөөнийг тодорхойгүй хугацаагаар хязгаарласан" гэв.