Эх барих мэргэжлийг олон нийтэд таниулах зорилготой цувралын энэ удаагийн алдаршуулах зочиноор Архангай аймгийн Нэгдсэн эмнэлгийн төрөх тасгийн “Эх баригч Л.Чимэд-очиртой ярилцлаа.

Сайн байна уу? Энэ өдрийн мэнд хүргэе.

Сайн сайн байна уу? Намайг Чимэд Очир гэдэг. Архангай аймгийн Өлзийт суманд 1997 онд төрсөн. АШИУИС-д 2013 онд элсэн ороод 2018 онд төгссөн. Архангай аймгийн Нэгдсэн эмнэлэгт эх баригчаар ажилладаг. Мэргэжлээрээ 5 жил ажиллаж байна. Энэ миний 4 дэх мэргэжил. 2018 онд Эх баригчаар төгсөөд 2021 онд хагалгааны сувилагчаар  сурч төгссөн. Энэ мэргэжлийг санамсаргүй байдлаар сонгосон. Гэхдээ энэ мэргэжлээрээ хамгийн удаан жил ажиллаж байна.

-Өмнө нь мэргэжил эзэмшсэн гэлээ. Энэ мэргэжил юугаараа онцлог байв? Давуу тал юу байна?

Онцлог давуу тал гэвэл айл, гэр бүлд шинэ хүн, шинэ ирээдүйг бүтээдэгээрээ энэ мэргэжил онцлог санагддаг.

-Цаашдаа энэ мэргэжлийг сонгон ажиллах эх баригч нартаа хандаж хэлэх үг?

Энэ мэргэжлээрээ ажиллах хугацаандаа нэг сэтгэлд хоногшсон зүйл байдаг. Энэ нь 2020 онд 44 настай жирэмсэн эх ирж кисерев хагалгаанд орж төрсөн. Төрсөний дараа эх нярай хоёрыг уулзуулахад ээж маш их уйлж байсан тэр баярын нулимс надад мартагддаггүй. Тэр агшиныг хараад энэ мэргэжлээрээ ажиллаар шийдсэн. Энэ миний анхны эх барих байсан. Тийм болохоор цаашдаа энэ мэргэжлээр сурч төгсөх, ажиллах эх баригч нартаа хандаж хэлэхэд “Мэргэжилээ битгий солиорой, мэргэжилдээ хайртай байгаарай” гэж хэлье

Хөдөө орон нутагт ажиллахын давуу тал юу вэ?

Мэдээж стрэсс болон түгжрэлээс хол. Мөн өвчтөнд зарцуулах цаг арай илүү байдаг. Энэ жил шинэ  эмнэлэгтэй болсон. Ажиллахад урамтай болсон.