Эх баригч мэргэжлийг олон нийтэд таниулах зорилгоор  Архангай аймгийн Нэгдсэн эмнэлгийн төрөх тасгийн эх баригчТ.Шинэбаяртай уулзаж ярилцлаа. 

Сайн байна уу? Өөрийгөө танилцуулахгүй юу?

Намайг Төмөрбаярын Шинэбаяр гэдэг. Анх багш мэргэжлээр сурч төгсөн багшаар нэг жил ажиллаж байгаад эх баригч мэргэжил сайхан санагдаад энэ  мэргэжлийг сонгосон. 

Яагаад энэ мэргэжлийг сонгох болов?

Эх барина гэдэг бол шинэ хүнийг хорвоод төрж хүн болоход нь айл гэр бүлд аз жаргалыг авчрахад нь туслагч гүүр нь гэж боддог. Эсэн мэнд амаржсаны дараа "Бааярлалаа" гэж хэлэх үг их энерги, эрч хүч өгдөг. Анхны эх барьж авсан үе бол   4-р курст үйлдвэрлэлийн дадлагаа хийж байхдаа Баярсайхан гэх ээжийг эх барьж авч байлаа. Тэр үеийг ерөөсөө мартдаггүй юм. Тав дах төрөлт нь байсан. Хамгийн анх эх барьж авсан ээж хүүхэд хоёртойгоо одоо уулзах юмсан гэж бодож явдаг даа.