“Эх баригчийг хөгжүүлэх стратеги төлөвлөгөө-2030” төслийн хэлэлцүүлгээр 300 эх баригчид оролцжээ

7 сар
“Эх баригчийг хөгжүүлэх стратеги төлөвлөгөө-2030” төслийн хэлэлцүүлгээр 300 эх баригчид оролцжээ
      Олон улсын эх баригчдын өдрийг тохиолдуулан өнөөдөр буюу /2024.05.05/ өдөр ЭМЯ, НҮБХАС, Японы Жайка олон улсын байгууллага Монголын эх баригчдын нийгэмлэгтэй хамтран  уулзалт зөвлөгөөнийг зохион байгуулсан байна. Энэ удаагийн уулзалт  "Эх баригч хүмүүнлэгийн элч" уриан дор зохиогдон бөгөөд уулзалтад 300 эх баригч  оролцжээ.
Уулзалтыг нээж ЭМЯ-ны Төрийн нарийн бичгийн дарга Д.Очирбат, НҮБХАС-ын тэргүүн Халид Шарифи, Жайка ОУБ-ын Монгол дахь төлөөлөгчийн газрын дарга Танака Шиничи, Монголын эх баригчдын нийгэмлэгийн тэргүүн С.Даваасүрэн нар оролцон баярын мэндчилгээ  дэвшүүлжээ.
  
     Энэ удаагийн зөвлөлдөх уулзалт, хэлэлцүүлгээр эх, хүүхдийн тусламж үйлчилгээ нь эх баригчийн ур чадвартай шууд хамааралтай учраас эх баригч мэргэжилтэнд цогц чадамжийг ээзэмшүүлж, хөгжүүлэх, мэргэжилдээ эзэн байж, үндэсний болон олон улсын түвшинд ажиллах бүрэн чадамжтай, биеэ даасан мэргэжилтэн бэлтгэхийн тулд “Эх баригчийг хөгжүүлэх стратеги төлөвлөгөө-2030” төслийн хэлэлцүүлгийг 6 чиглэлээр зохион байгуулах шаардлагатай гэсэн шийдвэрт хүрчээ.
     Манай улсын эрүүл мэндийн салбарт 1127 эх баригч ажиллаж байгаагийн 39,6 хувь нь сумын ЭМТ болон сум дундын эмнэлэгт, 24,4 хувь нь НЭ, дүүргийн ЭМТ, амаржих газарт, 15,3 хувь нь төрөлжсөн мэргэшлийн эмнэлэгт ажиллаж байна. Эх баригч нар нийт төрөлтийн 99,2 хувьд эмнэлгийн тусламж, үйлчилгээ үзүүлдэг гэсэн судалгаа гарчээ. 

 
 
 
         Эрүүл мэндийн сайдын тушаалаар 2021 онд эх баригчид чиглэсэн төрөлжсөн мэргэшлийн сургалтын 5 чиглэл батлагдсан бөгөөд өнгөрсөн оноос эхлэн мэргэшүүлэх сургалт эхэлж, эх баригч нарыг эмнэл зүйн сургагч багш, чиглүүлэгч багшаар бэлтгэж байна.  
 
 
              Дэлхийн тогтвортой хөгжлийн зорилт болон “Алсын хараа-2050” Монгол улсын урт хугацааны бодлогын зорилтод тусгагдсан сэргийлэх боломжтой эх, нярайн эндэгдэл, гэр бүл төлөвлөлтийн хэрэгцээ, охид эмэгтэйчүүдийн эсрэг хүчирхийллээс урьдчилан сэргийлэхэд эх баригчдын гүйцэтгэх үүрэг оролцоо, манлайллыг нэмэгдүүлэх, эх баригч мэргэжлийн үнэ цэнэ, бие даасан байдлыг хэрэгжүүлэх зорилгоор тус уулзалт, хэлэлцүүлгийг хийсэн нь онцлог боллоо.

​​​​​