“Монголын Хөрөнгийн бирж” ХК 2023 оны эхний хагас жилд таван тэрбум төгрөгийн борлуулалтын орлоготой ажилласан нь оны эхэн үеэс 19 хувиар өссөн үзүүлэлт боллоо. Тайлант хугацаанд тус компанийн цэвэр ашиг 3.2 дахин өсөж, хоёр тэрбум төгрөг хүрчээ.

Шинэ бүтээгдэхүүний хувьд оны эхний хагас жилд системийн нөлөө бүхий арилжааны гурван банкны IPO, хоёр компанийн IPO, хоёр ХБҮЦ, гурван компанийн бондын анхдагч зах зээлийн арилжаа хийгээд байна.

Үнэт цаасны арилжааны хувьд 2023 оны эхний хагас жилд 513 тэрбум төгрөгийн арилжаа хийснээр зах зээлийн нийт үнэлгээ нь 10.99 их наяд төгрөг хүрч, оны эхэн үетэй харьцуулахад 59.52 хувиар өссөн нь 2022 оны дотоодын нийт бүтээгдэхүүний 20 хувьтай тэнцэж байна.

Цаашид үнэт цаасны зах зээл болон уул уурхайн бүтээгдэхүүний зах зээлд арилжаалагдаж буй бүтээгдэхүүний нэр төрлийг нэмэгдүүлэх, арилжааг идэвхижүүлэх арга хэмжээнүүдийг хэрэгжүүлж ажиллана гэдгээ тус компани тодотгож байна.