Өчигдөр буюу 2024 оны дөрөвдүгээр сарын 9-ний өдөр Сэлэнгэ аймгийн Жавхлант, Хэнтийн Батноров, Дорнодын Матад суманд хээрийн түймэр гарлаа.

Хээрийн түймрээс урьдчилан сэргийлж, асаасан гал, чүдэнз, татсан тамхиа бүрэн унтраах, ил задгай гал түлэхгүй, татсан тамхины иш, чүдэнзийг ил хаяхгүй байх, үнс нурмаа ухсан нүх, тагтай битүү саванд хийж занших,
хавар, намрын улиралд өвс ихтэй газраар автомашин, мотоциклтэй зорчихгүй байхыг хичээгээрэй. 

Түймэр гарсан тохиолдолд Онцгой байдлын алба болон орон нутгийн Засаг захиргаанд яаралтай мэдээлэх шаардлагатай гэж ОБЕГ-ын Урьдчилан сэргийлэх газраас мэдээллээ.