Хууль зүй, дотоод хэргийн сайдын 2024 оны гуравдугаар сарын 28-ны өдрийн тушаалаар Иргэний болон захиргааны шүүхийн шийдвэр гүйцэтгэх ажиллагааны удирдлага, зохион байгуулалт, эрх зүйн орчныг боловсронгуй болгохтой холбогдуулан хуулийн төсөл боловсруулах ажлын хэсгийг шинэчлэн байгуулсан.

Ажлын хэсгийг дэд сайд Б.Солонгоо ахалж байна.

Шүүхийн ерөнхий зөвлөл, Улсын дээд шүүх, анхан болон давж заалдах шатны шүүх, шүүхийн шийдвэр гүйцэтгэх байгууллагын төлөөллөөс бүрдсэн тус ажлын хэсэг хуралдаж, шүүхийн шийдвэр гүйцэтгэлтийн орчинд тулгамдаж буй асуудал болон үзэл баримтлалын төслийн талаар хэлэлцлээ гэж Хууль зүй, дотоод хэргийн яамнаас мэдээллээ.